दुर्गा प्रसाईँ पक्राउ

काठमाडौं । मेडिकल व्यवसायी दुर्गा प्रसाईँ पक्राउ परेका छन् । भक्तपुरस्थित आफ्नै घरबाट उनलाई सीआईबीको टोलीले पक्राउ गरेको हो ।

प्रसाईंले प्रधानमन्त्री केपी शर्मा ओलीविरुद्ध दुष्प्रचार गरेका भनेर पक्राउ गरिएको बुझिएको छ ।

कम्बोडियाको स्मार्ट एजियाटा नामक कम्पनीमा ओलीको २१ करोड (साढे ३२ अर्ब रूपैयाँभन्दा बढी) अमेरिकी डलर लगानी रहेको भनेर उनले सामाजिक सञ्जालमा सार्वजनिक गरेको कागजातमा ओलीको नाम र हस्ताक्षरसहितको डकुमेन्ट सार्वजनिक गरेका छन् ।

त्यो नक्कली हो कि सक्कली अनुसन्धान हुन बाँकी छ । प्रसाईंको फेसबुक पेजबाट हिजो एक भिडिओ रिपोर्ट सार्वजनिक गरिएको थियो ।