- १६ जेष्ठ २०८३, शनिबार / May 30, 2026
म्याग्दी । ‘इको भ्यान’ दुर्घटना हुँदा एक जनाको ज्यान गएको छ । म्याग्दीको अन्नपूर्ण गाउँपालिका–३ को गुइठेभिरमा भएको दुर्घटनामा एक जनाको ज्यान गएको र ३ जना घाइते भएका हुन ।
दुर्घटनामा परि भ्यानका चालक समेत रहेकी अन्नपूर्ण–४ घरापकी अन्दाजी ४० वर्षीया सुनदेवी गौचन (सरिता) को घटनास्थलमै मृत्यु भएको सिमा प्रहरी चौकी भुरुङ्ग तातोपानीले जनाएको छ । दुर्घटनामा सख्त घाइते रुपा पुन, नमिता चोचाङ्गी र बिष्णुकुमारी बुढाथोकीलाई उद्दार गरेर उपचारका लागि पोखरा अस्पतालमा पठाइएको प्रहरीले जनाएको छ ।
नारच्याङमा रहेको शिव मन्दिर जाने यात्रु चढेको भ्यान सडकदेखि करिब एक सय ५० मिटर तल कालीगण्डकी नदी किनारमा खसेको थियो । बेनी–जोमसोम–कोरला सडक अन्तर्गत अन्नपूर्ण गाउँपालिका–३ को सुकेबगरदेखि नारच्याङ तर्फ जादै गरेको बा ६ च ४९४४ नम्बरको इकोभ्यान सडकबाट कालीगण्डकी नदीमा खसे हो ।
