- ११ बैशाख २०८३, शुक्रबार / Apr 24, 2026
काठमाडौँ, २४ मंसिर । निर्वाचन आयोगले मतदाताले सहज र व्यवस्थित रूपमा मतदान गर्न सकून् भन्ने उद्देश्यसहित देशभरका मतदानस्थल पुनरवलोकन गर्ने जनाएको छ।
आयोगले जारी गरेको सूचनामा पुनरवलोकनका क्रममा आवश्यक परे मतदाताको नाम सम्बन्धित मतदानस्थलमा सार्न वा समावेश हुन छुटेको नाम दर्ता गर्न सकिने व्यवस्था रहेको उल्लेख छ।
आयोगले हाल सञ्चालन भइरहेका मतदाता नामावली अद्यावधिक कार्यक्रममार्फत छुटिएका, त्रुटि भएका वा नयाँ अद्यावधिक आवश्यक व्यक्तिहरूले मङ्सिर २६ गतेसम्म दर्ता तथा सच्याउन पाउने जनाएको छ।
नामावलीमा रहेको त्रुटि सच्याउने, नाम हटाउने, दाबी–विरोध निवेदनका साथै एउटै वडाभित्र आफूलाई पायक पर्ने अर्को मतदानस्थलमा नाम सार्न पनि मतदाताले निवेदन दिन सक्ने सुविधा छ।
यसका लागि सम्बन्धित निर्वाचन कार्यालयमा प्रत्यक्ष उपस्थित भएर वा आयोगको वेबसाइटमार्फत अनलाइन निवेदन दिन सकिने आयोगले जनाएको छ।
