- २५ असार २०८३, बिहीबार / Jul 9, 2026
एजेन्सी । रुसमा बाढीले वितण्डा मच्चाएको छ । रुसको पश्चिमी साइबेरिया, भोल्गा क्षेत्र र सेन्ट्रल फेडरल डिस्ट्रिक्टमा १० हजार ४०० भन्दा बढी आवासीय घर डुबानमा परेका छन्।
उरल नदीको अवस्था अप्रिल २५ भन्दा पहिले सामान्य हुने अपेक्षा गरिएको छ। १८ हजार भन्दा बढी मानिसहरू बाढीको जोखिममा रहेको क्षेत्रमा रहेको बताएको छ। अप्रिल ७–११ को तथ्यांकले साइबेरिया, भोल्गा क्षेत्र र केन्द्रीय संघीय जिल्लामा दैनिक औसत तापक्रम, हिउँ पग्लने र नदी पग्लिने क्रममा निरन्तर वृद्धि भएको देखाउँछ।
यसले तल्लो क्षेत्र र यातायात पूर्वाधारमा बाढीको जोखिम बढाउने अपेक्षा गरिएको छ। रुसी आपतकालीन अवस्था मन्त्रालयले सोमबार यसबारे जानकारी गराएको हो।
गम्भीर रूपमा प्रभावित ओरेनबर्ग क्षेत्रमा, ६ हजार १०० भन्दा बढी मानिसलाई विस्थापन गरिएको छ। ओरेनबर्ग क्षेत्रीय सरकारले बाढी अप्रिल १० मा अझै बढ्ने अनुमान गरेको छ। ३३ हजार मानिसका लागि ३३ अस्थायी आवास केन्द्र बनाइएको छ।
