- २ आश्विन २०८३, शुक्रबार / Sep 18, 2026
काठमाडौं । गट्ठाघर दुर्घटनामा ओखलढुंगाका उत्तम कोइरालाको मृत्यु भएको घटनाबारे छानबिन गर्न माग गरिएको छ । कोइरालाले चलाइरहेको स्कुटरलाई पछाडिबाट ट्रकले ठक्कर दिँदा भक्तपुरको गट्ठाघरमा उनको मृत्यु भएको थियो ।
सांसदको नेतृत्वमा ओखलढुंगाको प्रतिनिधिमण्डल, ट्राफिक असावधानीले घटना घटेको भन्दै गृहमन्त्री रमेश लेखकसँग छानबिनको माग गरेका हुन् । गृहमन्त्रालय पुगेर प्रतिनिधिमण्डलले घटनाबारे छानबिन गरेर सत्यतथ्य बाहिर ल्याउन माग गरेको हो । प्रतिनिधिमण्डललाई गृहमन्त्री लेखकले घटनाबारे छानबिन गर्ने आश्वासन दिएका छन् ।
प्रहरी महानिरीक्षक (आईजीपी) वसन्त कुँवरले यो घटनालाई प्रहरीले सामान्य रूपमा नलिएको बताए । बिहीबार दिउँसो भक्तपुरको गठ्ठाघरमा बा ३९ प ८९४४ नम्बरको स्कुटरलाई सोही दिशामा पछि रहेको ना६ख २१७३ नम्बरको मालबाहक ट्रकले ठक्कर दिँदा कोइरालाको घटनास्थलमै मृत्यु भएको थियो ।
