तोलामा २ हजार रुपैयाँले घट्यो सुनको भाउ

काठमाडौं, ४ पुस । नेपाली बजारमा आज सुनको मूल्य तोलामा २ हजार रुपैयाँले घटेको छ। नेपाल सुनचाँदी व्यवसायी महासंघका अनुसार आज छापावाल सुनको भाउ प्रतितोला २ लाख ५८ हजार ४ सय रुपैयाँ तोकिएको छ।

यसअघि अघिल्लो दिन सुनको भाउ प्रतितोला २ लाख ६० हजार ४ सय रुपैयाँ कायम रहेको थियो। महासंघका अनुसार गत सोमबार सुनको मूल्य हालसम्मकै उच्च विन्दुमा पुग्दै प्रतितोला २ लाख ६० हजार ७ सय रुपैयाँ पुगेको रेकर्ड छ।

यस्तै, चाँदीको मूल्यमा पनि गिरावट आएको छ। आज चाँदी तोलामा ७५ रुपैयाँले घटेर प्रतितोला ४ हजार ५ रुपैयाँमा कारोबार भइरहेको छ। अघिल्लो दिन चाँदी प्रतितोला ४ हजार ८५ रुपैयाँमा कारोबार भएको थियो।