आगलागीबाट होटल तथा कार्यालय जनलेर नष्ट

खोटाङ । खोटाङमा भीषण आगलागीबाट तीन वटा होटल र एउटा लघुवित्तको कार्यालय जलेर पूर्णतः नष्ट भएको छ। हलेसी तुवाचुङ नगरपालिका– ७ महादेवस्थानको हलेसी बजारमा भएको आगलागीबाट होटल तथा कार्यालय जनलेर नष्ट भएका हुन ।

स्थानीय पदम राईको हार्डवेयर पसलमा रहेको ग्यास स्टोरबाट आगो सुरु भएको थियो। पदम राईको घर पूर्णरुपमा जलेर नष्ट भएको छ। राईको घरमा रहेको निर्धन उत्थान लघुवित्तको कार्यालय जलेको छ। नजिकै रहेको प्रकाशचन्द्र गिरीको घरमा क्षति पुगेको बताइएको छ।

आगलागीबाट भएको क्षतिको पुर्ण विवरण आउन बाँकी छ। आगो २ घण्टापछि नियन्त्रणमा लिइएको थियो। आइतबार साँझ हलेसी बजारमा रहेको एउटा ग्यास पसलबाट आगो लाग्न सुरू भएको हलेसी तुवाचुङ नगरपालिकाकाले जनाएको छ । स्थानीय नागरिक, सुरक्षाकर्मी लगायतले आगो नियन्त्रण्मा लिएका हुन्।