- ३ आश्विन २०८३, शनिबार / Sep 19, 2026
काठमाडौं । नेकपा (एकीकृत समाजवादी) का सम्मानित नेता झलनाथ खनालले महाधिवेशनबाट सर्वसम्मत नेतृत्व निर्माण हुने बताएका छन्। आगामी महाधिवेशनको तयारीबारे जानकारी दिन शनिबार काठमाडौंमा आयोजना गरिएको पत्रकार सम्मेलनमा नेता खनालले महाधिवेशनले सर्वसम्मत हुनेगरी नेतृत्व निर्माण गर्ने बताएका हुन्।
उनले सर्वसम्मत नेतृत्वले सिंगो समाजवादलाई ठिक दिशातिर अघि बढाउने विश्वास व्यक्त गरे। उनले नेताहरुको बीचमा कहीँ पनि ठूलो समस्या नरहेको बताए। उनले कम्युनिष्ट पार्टीका नेताहरुको बीचमा बहस हुनु ठूलो कुरा नभएको पनि बताए।
उनले सहमति हुनै नसके लोकतान्त्रिक पद्धतिबाट नेतृत्व निर्माण हुने बताए। खनालले विचार र व्यवस्थापनको सन्तुलन मिलाएर पार्टी अघि बढ्ने बताए।
