- ७ कार्तिक २०८३, शनिबार / Oct 24, 2026
काठमाडौं, २४ साउन । कैलाली कारागारमा कैदीबन्दीबीच कुटाकुट हुँदा एक जनाको मृत्यु भएको छ भने ४८ जना घाइते भएका छन्। मृत्यु भएका कैदीको पहिचान अहिलेसम्म खुलाइएको छैन। कारागार प्रशासनले मृतकको परिवार र स्थानीय तहसँग सम्पर्क गर्न खोजिरहेको छ।
घाइतेहरूलाई सेती प्रादेशिक अस्पतालमा उपचार भइरहेको छ भने पाँच जनालाई डिस्चार्ज गरिएको छ। कारागार प्रशासक रामकुमार चौधरीका अनुसार झडप कारागारका ए र बी ब्लकमा भएको हो।
टीकापुरको कर्तव्य ज्यानसम्बन्धी मुद्दामा जेल परेका १८ कैदीलाई स्थानान्तरण गर्न लाग्दा उनीहरूबीच विवाद बढेको थियो। कारागार स्रोतका अनुसार कुटाकुटको मुख्य कारण कैदीहरूबीच ‘नायक’ पदमा को रहने भन्ने विषयमा विवाद भएको हो।
यसअघि पनि बिहीबार कैदी स्थानान्तरणलाई लिएर झडप हुँदा पाँच जना घाइते भएका थिए। घटना सम्बन्धी थप छानबिन भइरहेको छ।
