- २७ असार २०८३, शनिबार / Jul 11, 2026
काठमाडाैं । मौद्रिक नीतिको समीक्षा सार्वजनिक हुने अघिल्लो दिन अर्थमन्त्री डा प्रकाशशरण महतले घरजग्गा कर्जालाई सहज बनाउन निर्देशन दिएका छन् ।
चालू आर्थिक वर्षको मौद्रिक नीतिको पहिलो त्रैमासिक समीक्षाको अघिल्लो दिन मन्त्री डा महतले राष्ट्रबैंकको सम्पूर्ण सञ्चालक समितिसँग बैठक बसेका हुन् ।
साँझ उनले गभर्नर महाप्रसाद अधिकारीलगायत सञ्चालक समितिलाई अर्थ मन्त्रालयमा बोलाएर मौद्रिक नीतिको पहिलो त्रैमासिक समीक्षामार्फत अर्थतन्त्र चलायमान हुने व्यवस्था गर्न निर्देशन दिएका हुन् ।
राष्ट्रबैंकको बोर्डमा मन्त्रालयको प्रतिनिधिका रुपमा अर्थसचिव हुने भए पनि मन्त्रालयबाट दिएको सन्देशबारे सबै बोर्ड सदस्यमा समान बुझाइ होस् भन्ने उद्देश्यले उनीहरु सबैलाई एकै ठाउँमा राखेर छलफल गरेका हुन ।
घरजग्गासम्बन्धी ऋणमा पनि जुनसुकै ऋणमा जोखिम भार शतप्रतिशत मात्रैकायम गराउन उनले निर्देशन दिए । उद्यम व्यवसायमा मागको कमीका कारण ऋणको सावाँ ब्याज भुक्तानीमा समस्या भएको निजी क्षेत्रको माग छ ।
