- २३ असार २०८३, मंगलवार / Jul 7, 2026
काठमाण्डौ । पुलको अध्ययन र मर्मत सम्भारको लागि नेपालमा जनशक्तिको अभाव रहेको छ । पूर्व पश्चिम राजमार्ग अन्तर्गत कर्णाली चिसापानी स्थित पुलमा आगलागी हुँदा पुलको मर्मत र अध्ययन गर्ने जनशक्ति नेपालमा नभएको हो ।
सडक विभागको प्राविधिक टोलीले आगलागीबाट क्षति भएको कर्णाली चिसापानी पुलको स्थलगत अवलोकन र अध्ययन सकेको छ । पुल जापान सरकारले बनाइदिएको र अमेरिकाको इञ्जिनियरिङ प्रयोग भएकाले नेपालमा यसको अध्ययन र मर्मत सम्भारका लागि विज्ञ र कामदारको समेत अभाव रहेको सडक विभागले जनाएको छ ।
विकल्पमा कोठियाघाट र सतिघाटको पुल प्रयोग गरेर गाडी चलिरहेका छन् । २०५० सालमा पुल निर्माण गर्दा प्राविधिक जनशक्ति र मर्मत सम्भारकोबारेमा जापानसँग कुनै सम्झौता नभएकाले अहिले समस्या भएको छ ।
