- २२ कार्तिक २०८३, आईतवार / Nov 8, 2026
रसुवा । गोसाइँकुण्ड गाउँपालिका ४, लाङटाङमा ट्रेकिङ गएका एक युवकको लेक लागेर मृत्यु भएको छ ।
सिन्धुपाल्चोक मेलम्ची नगरपालिका ६ का २४ वर्षीय विजय तामाङको मृत्यु भएको जिल्ला प्रहरी कार्यालय धुन्चेले जनाएको छ ।
हेलम्बु हुदै लाङटाङको क्यान्जिङ उपत्यकको पदमार्ग अबलोकन गर्दै आएका तामाङको ५६०० मिटरको उचाईमा लाङसिसा आसपास क्षेत्रमा उनको मृत्यु भएको प्रमुख प्रहरी नायव उपरीक्षक केशव भट्टराईले बताए ।
सूचना पाएपछि जिल्ला प्रहरी कार्यालय रसुवाबाट प्रहरी निरीक्षकको कमाण्डमा र प्रहरी चौकी लाङटाङबाट प्रहरी घटनास्थलमा पुगेको थियो । शव परीक्षणका लागि त्रिवि शिक्षण अस्पताल महाराजगंज फरेन्सिक मेडिसिन विभागमा पठाइएको छ ।
