- ५ असार २०८३, शुक्रबार / Jun 19, 2026
काठमाडौँ, ८ असोज । शिक्षा, विज्ञान तथा प्रविधिमन्त्री महावीर पुनले मन्त्रालयमा गतिलो र सिर्जनशील टिम बनाउन व्यस्त रहेको बताएका छन्। उनले केही दिनका लागि आफूलाई अनावश्यक फोन नगर्न र मेसेज पठाउन नहुने अनुरोध गरेका छन्।
उनले सामाजिक सञ्जालमा लेखेका छन्, “अस्तिदेखि मोबाइलमा, मेसेन्जरमा र ह्वाट्सअपमा हजारौँ कल र मेसेज आइरहेका छन्। म मन्त्रालयमा एउटा गतिलो र सिर्जनशील टीम बनाउन व्यस्त छु। त्यसैले केही दिनको लागि अनावश्यक फोन नगर्न र मेसेज नपठाउनु होला।”
राष्ट्रिय आविष्कार केन्द्रका संस्थापक पुन सोमबार शिक्षामन्त्री नियुक्त भएका थिए। उनले क्वार्टर आवश्यक नपर्ने भन्दै मन्त्रालयमै बस्ने निर्णय गरेका छन्। मन्त्रालयभित्रै भान्सा र शयनकक्षाको व्यवस्थासमेत गरिएको छ।
