इजरायलमा सरकारविरुद्ध ठूलो प्रदर्शन

एजेन्सी । इजरायलमा सरकारविरुद्ध ठूलो प्रदर्शन भएको छ। गाजामा जारी आक्रमणबीच प्रदर्शनकारीले जेरुसेलमस्थित इजरायली संसद् भवन घेरा हालेका छन्।

७ अक्टोबरमा दक्षिणी इजरायलमा हमासले आक्रमण गरेपछि सुरक्षा असफलतालाई लिएर सरकारले व्यापक आलोचना खेप्नु परिरहेको छ। आक्रमणमा इजरायलमा एक हजार १३९ जनाको मृत्यु भएको थियो। २५० भन्दा बढीलाई हमासले अपहरण गरी बन्धक बनाएको थियो।

दुई दिनदेखि जारी प्रदर्शनमा तत्काल युद्धविराम गरी बन्धक छुटाउन सरकारसँग माग गरिएको छ। साथै प्रदर्शनकारीले मुलुकमा नयाँ आम निर्वाचनको माग समेत अघि बढाएका छन्। गत अक्टोबरदेखि गाजामा जारी आक्रमणयता जेरुसेलममा सबैभन्दा ठूलो प्रदर्शन भएको बताइएको छ।