- २२ भाद्र २०८३, सोमबार / Sep 7, 2026
काठमाडौँ, २० भाद्र । शुक्रबार बिहानैदेखि काठमाडौँ उपत्यकासहित देशका धेरै ठाउँमा चर्को घाम लागेको छ। मौसमविद्हरूका अनुसार गएराति केही ठाउँमा ठूलो पानी पर्ने सम्भावना रहे पनि कतैकतै हल्कादेखि मध्यम वर्षा मात्रै भएको छ।
मौसम पूर्वानुमान महाशाखाका अनुसार पछिल्लो १२ घण्टामा बैतडीमा ४२ मिलिमिटर र दार्चुलामा २८ मिलिमिटर पानी परेको छ। आज लुम्बिनी र सुदूरपश्चिम प्रदेशलगायत देशका पहाडी भेगका केही ठाउँ तथा तराई भू–भागका थोरै स्थानमा मध्यम वर्षा हुने सम्भावना छ।
त्यस्तै, राति कोशी, बागमती र गण्डकी प्रदेशको पहाडी क्षेत्रमा एक/दुई ठाउँमा ठूलो वर्षा पर्न सक्ने महाशाखाले अनुमान गरेको छ। अहिले मनसुनको न्यूनचापीय रेखा सरदर स्थानभन्दा दक्षिणतिर सरको जानकारी महाशाखाले दिएको छ।
