- १८ कार्तिक २०८३, बुधबार / Nov 4, 2026
काठमाडाैं, २८ साउन । गायक नबिन के भट्टराईको नयाँ गीत ‘पागल भइसके’ को म्युजिक भिडियो सार्वजनिक भएको छ। सन्दीप डंगोलको शब्द तथा संगीतमा तयार यो गीतमा नबिनले आफ्नो फरक शैली प्रस्तुत गरेका छन्।
मोहित मुनालले गीतको संगीत संयोजन गरेका छन्। निर्देशक एलोन गुरुङ्गको निर्देशनमा तयार भएको भिडियोमा कलाकार लोप्साङ्ग पी तामाङ्ग र शिवाली श्रेष्ठले अभिनय गरेका छन्। साथै, नबिनसहित उनको ब्याण्ड ‘अतृप्त’ पनि भिडियोमा फिचर गरिएको छ।
पछिल्लो समय विभिन्न शैलीका गीत सिर्जना गर्दै आएका नबिनले हरेक गीतमा शब्द र संगीतमा विशेष ध्यान दिने बताउँछन्। ‘पागल भइसके’ गीतले पनि उनका पुराना लोकप्रिय गीतहरू जस्तै दर्शक र श्रोतालाई झुमाउने अपेक्षा गरिएको छ। यो गीत नबिनको अफिसियल युट्युब च्यानलसहित अन्य विभिन्न माध्यमबाट हेर्न र सुन्न सकिन्छ।
