- ५ कार्तिक २०८३, बिहीबार / Oct 22, 2026
काठमाडौँ ।नागढुङ्गा–नौबिसे सडक खण्डअन्तर्गत नागढुङ्गा–पिप्लामोड खण्डमा मर्मत कार्यका लागि वैशाख २२ गतेदेखि १० दिनसम्म राति ११ बजे देखि बिहान ३ बजेसम्म सवारी आवागमन आंशिक रूपमा बन्द हुने भएको छ।
नागढुङ्गा–मुग्लिङ सडक योजना (पूर्वी खण्ड) का अनुसार, मर्मत कार्यका लागि रातिको समयमा सवारी साधन रोक्नुपर्ने भएकाले काठमाडौँबाट छुटेका गाडीलाई नागढुङ्गा चेकपोस्टमा तथा काठमाडौँ भित्रिन चाहने गाडीलाई खत्रीपौवा पुलमा रोकिनेछ। रोकिएका गाडीलाई बिहान ३ बजेपछि मात्र जान दिइनेछ।
वैकल्पिक मार्गहरू:
साना तथा मझौला सवारी साधनका लागि वैकल्पिक मार्गको व्यवस्था गरिएको छ। यात्रुहरूले निम्न मार्गहरू प्रयोग गर्न सक्नेछन्:
सितापाइला–भीमढुङ्गा–रामकोट–धार्के सडक, सामाखुशी–टोखा–गुर्जेभञ्ज्याङ–छहरे–त्रिशूली (विदुर)–गल्छी सडक
सडक मर्मत कार्यका कारण यात्रुहरूलाई असुविधा हुन सक्ने भएकाले यात्रा योजना बनाउँदा यस जानकारीलाई ध्यानमा राख्न अनुरोध गरिएको छ ।
