- १३ बैशाख २०८३, आईतवार / Apr 26, 2026
काठमाडौं । कफ्र्यु आदेश जारी भएसंगै नेपाली सेनाको टोली काठमाडौंको सडकमा निस्किएको छ । नर्सिङ दल गणबाट सेनाको एक टोली बालकुमा रहेको छ ।
राजावादी समूहले गरेको उग्र प्रदर्शनका कारण प्रशासनले कर्फ्यु लगाएको जिल्ला प्रशासन कार्यालय काठमाडौंले जनाएको छ । जिल्ला प्रशासन कार्यालयले कर्फ्यु लगाएसँगै सेनाको टोली सडकमा निस्किएको हो ।
तीनकुनेमा भेला भएका राजावादीहरूले शुक्रबार दिउँसोबाट उग्र प्रदर्शन गरेपछि अवस्था तनावग्रस्त बनेको थियो । बालकुमारी क्षेत्रमा राजदल गणबाट सहसेनानी सन्दीप गुरुङको कमाण्डमा टोली खटिएको छ ।
