- १८ कार्तिक २०८३, बुधबार / Nov 4, 2026
काठमाडौं । उपत्यकाका केही क्षेत्रमा आजदेखि वैशाख ८ गतेसम्म दैनिक बिजुली कटौती हुने नेपाल विद्युत् प्राधिकरणले जनाएको छ ।
आज एक सूचना जारी गर्दै बिहान ८ देखि दिउँसो २ बजेसम्म दैनिक ६ घण्टा बिजुली जाने जानकारी दिएको हो । प्रसारण कन्डक्टर तार अपग्रेडिङ आयोजनाले स्युचाटारदेखि बालाजु सबस्टेसनसम्म १३२ केभी भोल्टेज स्तरको प्रसारण लाइनमा मर्मत कार्य गर्न लागिएकाले बिजुली कटौती गर्न लागेको प्राधिकरणले जनाएको छ ।
सोल्टी दोबाटो, मुसलमान टोल, ज्योति एकेडेमी, कारखाना चोक र सशस्त्र प्रहरी बल, प्रधान कार्यालय, हलचोक क्षेत्र, सानो भर्याङ, ठूलो भर्याङ, कामना स्कुल र अन्नपूर्ण चोक क्षेत्र ढुंगेधारा, क्लब घर र तरकारी बजारमा बिजुली कटौती हुनेछ ।
