टिपर दुर्घटना हुँदा नवलपुरका एक जनाको मृत्यु

नवलपुर । टिपर दुर्घटना हुँदा नवलपुरका एक जनाको मृत्यु भएको छ। नवलपुरको विनयी त्रिवेणी गाउँपालिका–३ मा दुर्घटना हुँदा एक जनाको ज्यान जानुका साथै
तीन जना घाइते भएका हुन ।

पाल्पाबाट चुनढुङ्गा लोड गरी नवलपुरको विनयी त्रिवेणी–१ होङसी सिमेन्टतर्फ आउँदै गरेको टिपर चालकले नियन्त्रण गुमाई दुर्घटना भएको प्रहरीले जनाएको छ।

ना १ क ९१२९ नम्बरको ट्रिपर दुर्घटना भइ त्यसैले च्यापिएर चालक मकवानपुरको बागमती गाउँपालिका ६ फापरवारीका ३२ वर्षीय नरबहादुर बाइवाको घटनास्थलमै मृत्यु भएको जिल्ला प्रहरी कार्यालयले जनाएको छ ।

घाइतेको मध्य बिन्दु प्रादेशिक अस्पतालमा उपचार भरहेको प्रहरीले जनाएको छ। दुर्घटना परी नवलपुरको विनयी त्रिवेणी गाउँपालिका ३ का २४ वर्षीय सुनिल सार्की, २३ वर्षीय दीपक सुनार र पर्साको वीरगन्ज उपमहानगरपालिका २७ का ३० वर्षीय ताज महमद हावारी घाइते भएका छन्।