प्रेस सेण्टर नेपालको २० औं स्थापना दिवस वीरगंजमा, देशभरबाट प्रतिनिधि सहभागि हुने

वीरगन्ज । प्रेस सेण्टर नेपालको राष्ट्रिय परिषद बैठक र २० औं स्थापना दिवस वीरगंजमा हुने भएको छ । देशभरका प्रतिनिधिहरु वीरगन्ज आउने क्रम शुरु भएको छ । भोली र पर्सि दुई दिन हुने सेण्टरको राष्ट्रिय परिषद बैठक र स्थापना दिवसका लागि ७७ वटै जिल्लाबाट संगठनका सदस्य प्रतिनिधिहरु सहभागि हुदैछन् ।

पत्रकार संगठनहरुको नै पहिलो र ऐतिहासिक केन्द्रीयस्तरको कार्यक्रम वीरगन्जमा आयोजना हुने भएपछि आर्थिक तथा औद्योगिक नगरी वीरगन्जको चहलपहल बढेकाे छ ।

केन्द्रीय स्तरको ठूलो कार्यक्रम वीरगन्जमा आयोजना हुने कार्यक्रमले नागरिक समाज, उद्योगी, व्यावसायी, राजनीतिक दल, विभिन्न पेशा व्यावसायीहरु पनि उत्साहित देखिएका छन् ।

प्रधानमन्त्रीको उपस्थितिमा केन्द्रीयस्तरको कार्यक्रम वीरगन्जमा हुने र बारा पर्साका पालिका प्रमुख र उपप्रमुख तथा प्रमुख प्रशासकीय अधिकृतहरुसँग पनि संघीयता कार्यान्वयनको विषयमा छलफल हुने बताइएको छ ।