गायक राजेश पायल राई पक्राउ, यस्तो छ आरोप

काठमाडौं । गायक राजेश पायल राई पक्राउ परेका छन् । होहल्ला गरेको आरोपमा राई गएराति पक्राउ परेको प्रहरीले जनाएको छ ।

राजेश पायल राई सहित तीन जनालाई मदन भण्डारी कलेज अगाडिबाट पक्राउ गरी प्रहरी वृत्त नयाँबानेश्वरमा राखिएको छ ।

काठमाडौं उपत्यकाका प्रहरी कार्यालयका एआईजी दीपक थापाका अनुसार गएराति काठमाडौं उपत्यकाभरबाट १७२ जनालाई प्रहरीले नियन्त्रणमा लिएको थियो ।

उनीहरुमध्ये धेरैजसोलाई आफन्तको जिम्मा लगाइएर छोडिएको छ । गायक राईलाई पनि आफन्तको जिम्मा लगाउने तयारी प्रहरीले गरिरहको छ ।