छिन्चु-जाजरकोट सडक अवरुद्ध

काठमार्डौै । पहिरोका कारण छिन्चु-जाजरकोट सडकखण्ड अवरुद्ध भएको छ। गएराति परेको पानीले छेडागाड नगरपालिका र भेरी नगरपालिकाका अन्तर्गत ठाउँठाउँमा पहिरो गएपछि सडक अवरुद्ध भएको हो । राजमार्ग अन्तर्गतको भेरी नगरपालिका १३ कुदुदेखि खलङ्गा नजिक खहरे खोला भीर र छेडागाड नगरपालिका १२ कालापहाड नजिक पहिरो खसेको छ।

सडक डिभिजन कार्यालयले बिहानैदेखि यहाँको पहिरो पन्छाउन थालेको छ। चन्दननाथ गण मालिका ब्यारेक क्षेत्रमा झरेको पहिरो पनि पन्छाउन थालिएको छ। अन्य ठाउँमा जेसीबी नहुँदा काम भएको छैन।

पहिरोका कारण सदरमुकाम खलंगाबाटबाहिरिने र सदरमुकाम भित्रिने सवारीसाधन रोकिएका छन् भने यात्रु अलपत्र परेका छन्।