सार्वजनिक सवारीमा रुट परमिट खुला

काठमाडौं, ६ असाेज । यात्रुवाहक सार्वजनिक सवारी साधनका लागि आजदेखि रुट परमिट खुला गरिएको छ। नेपाल यातायात व्यवसायी राष्ट्रिय महासंघका अध्यक्ष विजयबहादुर स्वाँरका अनुसार देशभरको सार्वजनिक यातायातलाई चाडपर्वको समयमा सहज ढङ्गले सञ्चालन गर्नका लागि यो व्यवस्था गरिएको हो।

रुट परमिट खुला भएसँगै अब सार्वजनिक यातायात साधनहरूले रुट नलिई गन्तव्यस्थलसम्म सञ्चालन गर्न पाउनेछन्। यो व्यवस्था आगामी असोज २२ गतेसम्म कायम रहने स्वाँरले जानकारी दिए।

यस्तै, पूर्णिमाको दिनसम्म नारायणघाट–काठमाडौँ मार्गमा यातायात आवागमन सहज बनाउन खाद्यान्न तथा अत्यावश्यक वस्तु ढुवानी गर्नेबाहेकका ट्रेलरलगायतका ठूला सवारीसाधन सञ्चालनमा रोक लगाइएको छ।