- २८ श्रावण २०८३, बिहीबार / Aug 13, 2026
कैलाश खबर, साउन २२ । सिन्धुलीका युवकको मिर्गौला निकालिएको घटनामा संलग्न रहेको आरोपमा नुवाकोटका समिर परियारलाई प्रहरीले काठमाडौंबाट पक्राउ गरेको छ।
मानव बेचबिखन तथा अनुसन्धान ब्यूरो (Bureau of Human Trafficking and Investigation) का प्रमुख कृष्ण पंगेनीका अनुसार परियारमाथि हाल अनुसन्धान जारी छ।
सिन्धुलीको दुधौली नगरपालिका–१ का स्थायी बासिन्दा खिलबहादुर भुजेललाई काम दिने प्रलोभन देखाई पोखराबाट भारत पुर्याइएको थियो। भारत लगेर गिरोहले उनलाई बन्धक बनाई जबरजस्ती मिर्गौला निकालिएको अनुसन्धानमा खुल्न आएको छ।
प्रहरीले यस घटनालाई मानव अंग तस्करीको गम्भीर अपराधको रूपमा लिएर थप अनुसन्धान गरिरहेको जनाएको छ। घटनामा संलग्न अन्य व्यक्तिहरुको खोजी पनि भइरहेको छ।
