मुख्य बुँदा 

चालू आर्थिक वर्षको पाँच महिनामा राजस्व सङ्कलन २३.८८%

घरजग्गा रजिष्ट्रेशन र सवारी कर मुख्य आयस्रोत

घरजग्गाबाट १ अर्ब ६६ करोड, सवारी करबाट २ अर्ब ९५ करोड सङ्कलन

वार्षिक लक्ष्य ३० अर्ब ८९ करोड रुपैयाँ

थप राजस्व सङ्कलनका लागि प्रभावकारी योजना

काठमाण्डौ, ३ पुस । चालू आर्थिक वर्षको पाँच महिनामा बागमती प्रदेश सरकारले वार्षिक लक्ष्यको २३ दशमलव ८८ प्रतिशत अर्थात् १६ अर्ब ११ करोड सात लाख ८२ हजार रुपैयाँ राजस्व सङ्कलन गरेको छ ।

घरजग्गा रजिष्ट्रेशन ९मालपोत० र सवारीसाधन कर प्रदेश सरकारको राजस्व सङ्कलनको मुख्य आयस्रोत मानिन्छ ।

दुवै शीर्षकसहित बाँडफाट चालू आर्थिक वर्षमा ३० अर्ब ८९ करोड ११ लाख ८९ हजार रुपैयाँ राजस्व सङ्कलन हुने अनुमान गरिएकोमा साउनदेखि मङ्सिर सम्ममा लक्ष्यको २८ दशमलव ६३ प्रतिशत अर्थात् आठ अर्ब ८४ करोड ४७ लाख ७७ हजार रुपैयाँ राजस्व सङ्कलन भएको बागमती प्रदेश सरकारका आन्तरिक मामिला तथा योजना विकास मन्त्रालयका अधिकृत इन्द्रराज सन्यालले जानकारी दिनुभयो ।

उहाँका अनुसार घरजग्गा रजिष्ट्रेशन शीर्षकबाट सात अर्ब ७० करोड रुपैयाँ राजस्व सङ्कलन गर्ने लक्ष्य रहेकामा पाँच महिनामा एक अर्ब ६६ करोड ८५ लाख ५९ हजार रुपैयाँ राजस्व सङ्कलन गरेको छ ।

गाडी जाँचपास, रुट अनुमति, सवारीचालक अनुमतिपत्र वितरण तथ नवीकरणअन्तर्गत सवारी कर शीर्षकबाट आठ अर्ब २५ करोड सङ्कलन गर्ने अनुमान गरेकामा अहिलेसम्ममा दुई अर्ब ९५ करोड ८६ लाख २३ हजार रुपैयाँ राजस्व सङ्कलन गरेको छ । रासस