- ४ आश्विन २०८३, आईतवार / Sep 20, 2026
काठमाडाैं । आज तीन संसदीय समितिहरूको बैठक बस्दैछ । बिहान ११ बजे विधायन व्यवस्थापन समिति, संघीयता सबलीकरण तथा राष्ट्रिय सरोकार समिति र दिउँसो १ बजे सार्वजनिक नीति समितिको बैठक बसेर विभिन्न समसामयिक विषयमा छलफल हुनेछन् ।
संसदीय समितिहरूको बैठकमा के के हुने छन् ?
१. विधायन व्यवस्थापन समितिको बैठक
बिहान ११ बजे हुने बैठकमा नेपाल कानुन व्यवसायी परिषद् (दोस्रो संशोधन) विधेयक, २०८१ का दफावार छलफल हुनेछ।
२. संघीयता सबलीकरण तथा राष्ट्रिय सरोकार समितिको बैठक
बिहान ११ बजे नै बस्ने बैठकमा सिमेन्ट र अन्य निर्माण सामग्रीहरूको मूल्यवृद्धि र खाद्य वस्तुको मूल्य वृद्धिको सम्बन्धमा छलफल हुनेछ।
३. सार्वजनिक नीति तथा प्रत्यायोजित विधायन समितिको बैठक
दिउँसो १ बजे हुने बैठकमा राष्ट्रिय निकुञ्जसँग सम्बन्धित नीतिगत समस्याहरूको समाधानका लागि प्राप्त सुझावमा छलफल हुनेछ।
