- २५ फाल्गुन २०८२, सोमबार / Mar 9, 2026
धनगढी । सुदूरपश्चिमको दोधारा चाँदनीमा सुक्खा बन्दरगाह निर्माणका लागि मायापुरी सामुदायिक वन क्षेत्रमा १,५९३ रुख कटान सुरु गरिएको छ। इन्टरमोडल यातायात विकास समितिले ठेक्का प्रक्रियामार्फत काम अघि बढाएको हो।
निकुञ्जको रोहबरमा भइरहेको रुख कटान दुई महिनाभित्र सम्पन्न हुने बताइएको छ। यो कार्य सुक्खा बन्दरगाह निर्माणको पहिलो ठोस भौतिक चरण मानिएको छ।परियोजनाअन्तर्गत रेलवे प्लेटफर्म, कन्टेनर यार्ड, यात्री टर्मिनल, भन्सार, क्वारेन्टिन भवन, प्रहरी चौकी र अन्य पूर्वाधार निर्माण गरिनेछ।
नेपालतर्फ महाकाली नदीमा चार लेनको पुल तथा ६ लेनको पहुँच मार्ग निर्माण भइसकेको छ भने भारततर्फको पहुँच मार्ग निर्माणाधीन अवस्थामा छ। भारत सरकारको लगानीमा करिब ६ अर्ब रुपैयाँ लागतमा बन्ने यो आयोजना तीन वर्षभित्र सम्पन्न गर्ने लक्ष्य लिएको छ।
