- २८ श्रावण २०८३, बिहीबार / Aug 13, 2026
काठमाडौँ, १८ असाेज। बिहानदेखिको अविरल वर्षाका कारण त्रिभुवन अन्तर्राष्ट्रिय विमानस्थलका आन्तरिकतर्फका उडानहरू स्थगन गरिएका छन् । खराब मौसमका कारण काठमाडौँ, भरतपुर, जनकपुर, भद्रपुर, पोखरा र तुम्लिङटार विमानस्थलमा उडान स्थगित भएका त्रिभुवन अन्तर्राष्ट्रिय विमानस्थल कार्यालयका महाप्रबन्धक हङ्सराज पाण्डेले जानकारी दिए ।
उनका अनुसार, “मौसमी अवस्थाको पुनरावलोकन भइरहेको छ । अन्तर्राष्ट्रिय उडानहरू भइरहेको छन् । अविरल वर्षाका समयमा आन्तरिक उडान गर्न जोखिम हुने भएकाले अहिले स्थगन गरिएको हो ।”
आज बिहानदेखि देशका विभिन्न स्थानहरूमा लगातार वर्षा भइरहेको जल तथा मौसम विज्ञान विभागले जनाएको छ । विभागका अनुसार आज र भोलि भारीदेखि अति भारीसम्म वर्षा हुने चेतावनी दिइसकेको छ भने राति अझ बढी वर्षा हुने अनुमान गरिएको छ ।
