मंगलबार यो वर्षकै कम न्यूनतम तापक्रम मापन

काठमाडौंं । १० डिग्री सेल्सियसबाट काठमाडौं उपत्यकाको न्यूनतम तापक्रम तल झरेको छ । काठमाडौँ उपत्यकाको न्यूनतम तापक्रम घटेर ९.९ डिग्री सेल्सियस मापन भएको हो।

सोमबार १०.५ डिग्री सेल्सियस मापन भएकामा मंगलबार ९.९ डिग्री मापन गरिएको हो । काठमाडौं उपत्यकामा हल्का बदली भए पनि सामान्यतया मौसम सफा नै रहनेछ। त्यस्तै कोशी प्रदेश र गण्डकी प्रदेशका पहाडी भूभागका एकदुई स्थानमा हल्का वर्षाको सम्भावना छ।

अन्य भूभागको मौसम भने सामान्यतया सफा नै रहने महाशाखाले जनाएको छ। मंगलबार बिहान पौने ९ बजेको रेकर्ड भएको यो न्यूनतम तापक्रम यो वर्षकै कम भएको मौसम पूर्वानुमान महाशाखाले जनाएको छ । न्यूनतम तापक्रम घटेसँगै चिसो बढ्दै गएको छ ।