युक्रेनको आक्रमणमा पाँचजना रुसीको मृत्यु

काठमाडौं । युक्रेनले रुस अधिनस्थ क्राइमियाको सेभास्टोपोल सहरमा आक्रमण गरेको छ । त्यसक्रममा मिसाइलका टुक्राले लाग्दा समुद्र तटमा गएका मध्ये कम्तीमा पाँचजनाको मृत्यु भएको छ । १०० भन्दा बढी व्यक्ति घाइते छन् ।

सेभास्टोपोलका गभर्नर मिखाइल राजभोजाहेभले जनाएअनुसार, घाइतेको संख्या १२४ छ । मृत्यु हुनेमा तीन बालबालिका र दुई वयस्क छन् । युक्रेनको आक्रमणमा मारिएकी एक बालिका स्थानीय मागादान सहरका उपमेयरकी छोरी हुन् ।

स्थानीयका अनुसार, उक्त आक्रमण कुनै साइरन नबजाई एक्कासि गरिएको थियो । सीएनएन