- २४ बैशाख २०८३, बिहीबार / May 7, 2026
काठमाण्डौ । शनिबार काठमाण्डौ उपत्यकामा वर्षकै सबैभन्दा बढी गर्मी भएको छ । यसअघि २०४६ साल वैशाख २५ गते काठमाण्डौको तापक्रम ३६ दशमलव ६ डिग्री सेल्सियस मापन भएको थियो । ३५ वर्षपछि काठमाण्डौमा शनिबार अधिकतम तापक्रम ३५ दशमलव ३ डिग्री सेल्सियस मापन गरिएको हो ।
लुम्बिनी र सुदूरपश्चिमका तराईका धेरै ठाउँमा तापक्रम ४० डिग्रीभन्दा माथि पुगेको छ । मनसुन पूर्वबाट बिस्तारै पश्चिमतिर सर्ने क्रममा रहेको विभागले जनाएको छ । काठमाडौंमा गएको जेठ १७ गते अधिकतम तापक्रम ३४ दशमलव ४ डिग्री सेल्सियस पुगेको थियो ।
शनिबारसबैभन्दा धेरै गर्मी भएको हो । ६ दिनअघि पूर्वबाट भित्रिएको मनसुन अझै मध्य र पश्चिम क्षेत्रसम्म नफैलिएकाले काठमाण्डौसहित पश्चिमी क्षेत्रमा गर्मी बढेको छ । आइतबार कोशी, बाग्मती र गण्डकी प्रदेशका केही ठाउँमा तथा मधेस प्रदेशलगायत बाँकी भू–भागका एक–दुई ठाउँमा मेघगर्जन र चट्याङसहित हल्कादेखि मध्यम वर्षाको सम्भावना रहेको छ ।
कोशीसहित मधेश र बाग्मती प्रदेशको पूर्वी भेगसम्म मनसुनको प्रभाव देखिएको छ । देशको पूर्वी भू–भागमा मनसुनी प्रणालीको प्रभाव रहेको र बाँकी भू–भागमा स्थानीय वायु, पश्चिमी वायु तथा भारतको बिहार आसपास रहेको न्यून चापीय क्षेत्रको आंशिक प्रभाव रहेको मौसम पूर्वानुनमान महाशाखाले जनाएको छ ।
