- ३० श्रावण २०८३, शनिबार / Aug 15, 2026
काठमाडौैंं । मनाङको तल्लो क्षेत्रबाट ३२ किलो भन्दा धेरै यार्सागुम्बा निकासी भएको छ । अन्नपूर्ण संरक्षण क्षेत्र आयोजना ९एक्याप० इकाई मनाङका प्रमुख ढकबहादुर भुजेलकाअनुसार गएको असार मसान्तसम्म ३२ किलो पाँच सय ग्राम यार्सागुम्बा सङ्कलन तथा निकासी भएको हो ।
यार्सागुम्बा निकासीबाट १६ लाख ५७ हजार पाँच सय रुपैयाँ राजस्व सङ्कलन भएको छ । यार्सा निकासीका लागि प्रतिकिलो ५१ हजार दस्तुर लिने गरिएको छ । निकासी गरिएको दस्तुर ५१ हजारमध्येबाट १० हजार संरक्षण क्षेत्र व्यवस्थापन समिति तथा १० हजार पालिकालाई उपलब्ध गराउने गरिन्छ ।
मनाङमा नाम्के खर्क यार्सागुम्बा सङ्कलन गर्ने पहिलो गन्तव्य हो । गएको वैशाख १० गतेदेखि नाम्के खर्कबाट झण्डै दुई सय जनाले यार्सागुम्बा सङ्कलनको अनुमति लिएका थिए । अनुमतिबिना यार्सागुम्बा सङ्कलन गर्न पाइँदैन ।
मनाङसँगै लमजुङ, गोरखा र धादिङका स्थानीयबासिन्दा यार्सागुम्बा सङ्कलन गर्न मनाङका लेक पुग्छन् । रासस
