- ९ बैशाख २०८३, बुधबार / Apr 22, 2026
२४ असार२०७७ काठमाडौं । ३० वर्षे सेवा अवधिका कारण नेपाल प्रहरीका प्रमुख आईजीपी ठाकुर ज्ञवालीसहित दुई प्रहरी उच्च अधिकृतले अवकाश पाउँदैछन् । ज्ञवालीसहित उनका ब्याची प्रहरी अतिरिक्त महानिरीक्षक (एआईजी) तारिणीप्रसाद लम्साल र प्रहरी नायब महानिरीक्षक (डीआईजी) सूर्यप्रसाद उपाध्याय पनि अवकाश पाउन लागेका छन् ।
०४९ सालमा प्रहरी निरीक्षकबाट सेवामा प्रवेश गरेका अधिकृतको समूहका शैलेश थापा क्षेत्री अब प्रहरीको नेतृत्व समाल्न लागेका छन् । सरकारले आईजीपीमा थापा नियुत्त गरिसकेको छ । प्रहरी प्रधान कार्यालयमा एक कार्यक्रमको आयोजना गरी बुधबार साँझ ५ बजे ज्ञवालीको विदाइ गरिदैछ । उनको विदाईपछि बिहीबार थापालाई प्रहरी प्रधान कार्यालयमा स्वागत गरिने बताईएको छ ।
ज्ञवाली २८ माघ २०७६ मा नेपाल प्रहरीको महानिरीक्षकमा नियुक्त भएका थिए । चर्चित निर्मला पन्त हत्या प्रकरणमा छानविनमा संलग्न भएपनि अनुसन्धानले गति लिनसकेन । प्रहरीको सरुवा–बढुवामा राजनीतिक दाउपेच हुनेगरेकाले ‘स्ट्याण्ड’ लिने ठाँउ नभएको कुरा बाहिर आउने गरेको छ । त्यस्तै ज्ञवालीमाथि बालुवाटार र गृह मन्त्रालय हाबी भएको प्रहरी प्रधान कार्यालयका अधिकृतले बताए।
