कोटेश्वर भत्काउदै डोजर

काठमाडौं । सवारी जाम हुने कोटेश्वर–जडिबुटी सडकखण्ड विस्तारका लागि डोजर प्रयोग भएको छ । विमानस्थलको केही भाग जमिन उपयोग गरेर सडक ट्रयाक खोल्न डोजर चलाइएको हो ।

३ सय मिटर सडक खण्ड साँघुरो यहाँ अधिक जाम हुने गरेको थियो । कोटेश्वरबाट जडिबुटीतर्फको एक लेन सडक विस्तार हुनेछ भने विमानस्थलको एउटा रन–वे सूचक लाइट पनि थोरै सारिने छ ।

यस्तै सरकारले जडिबुटीबाट कोटेश्वरतर्फ आउने साइडमा पनि तीन लेन सडक विस्तार गर्ने जनाएको छ । मन्त्रिपरिषद बैठकले जडिबुटी–कोटेश्वर सडकखण्डभित्र पर्ने ६ अना १ पैसा जग्गा र उक्त जग्गामा बनेको घर अधिग्रहण गर्न स्वीकृति समेत दिइसकेको छ ।