- ३१ असार २०८३, बुधबार / Jul 15, 2026
१७ जेठ २०७७, दैलेख । दुल्लु स्थित क्वारेन्टाइनमा मृत्यु भएका पुरुषको कोरोना संक्रमण रिर्पोट पोजेटिभ आएको छ। शनिबार बिहान ज्यान गुमाएका ती ४० वर्षीय पुरुषको स्वाव जुम्लामा परीक्षण गरिएको थियो ।
१० दिनअघि भारतबाट आएर दुल्लुस्थित क्वारेन्टाइनमा बस्दै आएका उनी दुल्लु नगरपालिका ११ का पुरुष हुन । कोरोना परिक्षणका लागि ३ दिन अघि स्वाब संकलन गरि कर्णाली स्वास्थ्य विज्ञान प्रतिष्ठान जुम्ला पठाइएको थियो ।
गम्भीर बिरामी परेका उनलाई अस्पताल लगिएन जब सिकिस्तै भए तब जिल्ला अस्पतालका स्वास्थ्यकर्मीले क्वारेन्टाइनमा आएर चेकजाँच गरेका थिए । अस्पताल लगेर उपचार नगरिँदा उनले ज्यान गुमाउन पुगे ।
क्वारेन्टाइनमा बेहोस भएपछि त्यहीँ उनको उपचार गरियो । क्वारेन्टाइनमै उपचारका क्रममा शनिवार बिहान मुत्यु भएको दुल्लु अस्पतालकी प्रमुख डा.पूजा बिसीले बताइन् । दैलेखमा क्वारेन्टाइन व्यवस्थापनमा समस्या उत्पन्न भएको छ । धेरै क्वारेन्टाइनमा भारतबाट आएका नागरिक कोचिएर बस्नु परेको छ ।
