- २ श्रावण २०८३, शनिबार / Jul 18, 2026
काठमाडौं । बारा क्षेत्र नम्बर २ बाट जनता समाजवादी पार्टी (जसपा) का अध्यक्ष उपेन्द्र यादव प्रतिनिधि सभा उपनिर्वाचनमा विजयी भएका छन् । जनमत पार्टीका उम्मेदवार शिवचन्द्रप्रसाद कुशवाहालाई ५ हजार ८१ मत अन्तरले पराजित गर्दै विजयी यादव विजयी भएका हुन ।
पाँच दलीय गठबन्धनका साझा उम्मेदवार यादवले निकटतम् प्रतिद्वन्द्वी कुशवालाई हराउँदै यादवले २८ हजार ४ सय १५ मत ल्याएर विजयी भएका हुन । नेकपा (एमाले) का उम्मेदवार पुरुषोत्तम पौडेल १० हजार २ सय १६ मत तथा राष्ट्रिय स्वतन्त्र पार्टीका उम्मेदवार रमेश खरेलले २ हजार ८ सय २९ मत प्राप्त गरेका छन् ।
यसअघि बारा–२ बाट प्रतिनिधि सभा सदस्यमा निर्वाचित भएका रामसहायप्रसाद यादव उपराष्ट्रपति निर्वाचित भएपछि यस क्षेत्रमा उपनिर्वाचन भएको हो । कुशवाहाले २३ हजार ३ सय ३४ मत प्राप्त गरेका छन् ।
