जहाजमा समस्या आएपछि आकश्मिक अवतरण

काठमाडौं । जहाजमा समस्या देखिएपछि काठमाडौंबाट सुर्खेतका लागि उडेको बुद्ध एयरको जहाज बिच बाटोबाटै फर्किएको छ । शनिबार सिमराको आकाशबाट बुद्ध एयरको यु ४१३३ जहाजमा समस्या देखिएपछि पुनः त्रिभुवन अन्तर्राष्ट्रिय विमानस्थलमा अवतरण गरिएको हो। विमानमा एक्कासि प्राविधक समस्या देखा परेपछि आकस्मिक अवतरण गरिएको बुद्ध एयरले जनाएको छ ।

उक्त जहाजको प्राविधिक जाँच भइरहेको बताइएको छ भने जहाजमा ६२ जना यात्रु सवार थिए । जहाज स–कुशल त्रिभुवन अन्तर्राष्ट्रिय विमानस्थलमा ल्याण्ड भएको र जहाजमा प्राविधिक समस्या भएको यात्रुलाई जानकारी गराइएको थियो ।