निर्वाचन आचारसंहिता फागुन १७ गतेदेखि लागू हुने

काठमाडौं । फागुन १७ गतेदेखि चैत ५ गतेसम्म कायम रहने गरी निर्वाचन आयोगले राष्ट्रपति निर्वाचनका लागि निर्वाचन आचारसंहिता लागू गरेको छ । राष्ट्रपति निर्वाचनका लागि आचारसंहिता लागू गरेको मंगलबार विज्ञप्ति जारी गर्दै निर्वाचन आयोगले जनाएको हो । गत माघ १६ गतेको निर्णय अनुसार आयोगले यही फागुन २५ गते राष्ट्रपतिको र आगामी चैत ३ गते उपराष्ट्रपतिको निर्वाचन गर्दै छ ।

आयोगको निर्णय अनुसार नेपाल सरकार र नेपाल सरकारका मन्त्री, प्रदेश सरकार र प्रदेश सरकारका मन्त्री, संघ, प्रदेश र स्थानीय तहका कर्मचारी, सुरक्षा निकाय, सुरक्षाकर्मी तथा कर्मचारी, सरकारी, अर्धसरकारी तथा सार्वजनिक संस्थाको कार्यालय तथा कर्मचारी, राजनीतिक दल तथा राजनीतिक दलको भातृ सङ्गठन, उम्मेदवार तथा उम्मेदवारको प्रतिनिधि, राजनीतिक दल तथा उम्मेदवारको मतदान एवं मतगणना प्रतिनिधि, सार्वजनिक पद धारण गरेको व्यक्ति, सञ्चार प्रतिष्ठान, कर्मचारी तथा सञ्चारकर्मी र मतदाता रहेका छन् ।

निर्वाचन आयोग ऐन, २०७३ को दफा २२ ले दिएको अधिकार प्रयोग गरी आयोगले फागुन १७ गतेदेखि चैत ५ गतेसम्म कायम रहने गरी निर्वाचन आचारसंहिता, २०७९ जारी गर्ने निर्णय गरेको हो । सो आचारसंहिता गत भदौ १३ गते नै नेपाल राजपत्रमा प्रकाशन भइसकेको छ ।