पाँच करोडको आलु बिक्री

गण्डकी । हेमजा आलु महोत्सवमा रु पाँच करोड बराबरको कारोबार भएको छ ।

चैत २६ गतेदेखि सुरुआत भएको ११ औं संस्करणको राष्ट्रिय हेमजा महोत्सवमा ८० टन आलु बिक्री हुँदा पाँच करोडको कारोबार भएको आयोजकले जनाएको छ ।

हेमजाको आलु छिटो पाक्ने, विषादी कम प्रयोग हुने तथा स्वादिष्ट रहेकाले उत्पादित आलुको माग उच्च हुने गरेको छ ।

आइतबार सम्पन्न महोत्सव समापन समारोहमा कृषक सम्मान, कृषक परिचयपत्र वितरण, कृषि एम्बुलेन्स प्रदर्शनीलगायत विभिन्न पुरस्कारसमेत वितरण गरिएको महोत्सवको कृषक परिचालन उपसमितिका संयोजक जयराम तिमिल्सिनाले बताए ।