- ३१ असार २०८३, बुधबार / Jul 15, 2026
लण्डन । आपतकालिन छलफलका लागि भन्दै बेलायती रानी एलिजावेथले नाती राजकुमार ह्यारी र उनकी पत्नी मेघनलाई बोलाएकी छन् । बेलायत छाड्ने घोषणा गरेका ह्यारीलाई भविष्यको बन्दोबस्ती कसरी गर्ने भन्नेबारे छलफल गर्न बोलाएको बताइएको छ ।
ह्यारी दम्पती छोरा आर्चीलाई लिएर क्यानडामा बिदा मनाउन गएपछि रानी एलिजावेथले अचानक बोलाएकी हुन् । ह्यारीले राजदरबार छाड्नुअघि दरबारका कसैसँग पनि सल्लाह नलिएको मिडियाले बताएका छन् ।
पछिल्लो समय ह्यारी र मेघन दरबारबाट भानवनात्मक रुपमा पनि टाढिएको टिप्पणी गरिएको छ । उनीहरुले केही महिनाअघि दरबारबाट दिक्क भएको प्रतिक्रिया दिएका थिए ।
