- ५ आश्विन २०८३, सोमबार / Sep 21, 2026
काठमाण्डौ । पैसा खर्च गर्न नसके चुनाव जित्न नसकिने ( नेकपा माओवादी केन्द्रका अध्यक्ष पुष्पकमल दाहाल प्रचण्डले बताएका छन् । नेकपाका संस्थापक सदस्य नरबहादुर कर्माचार्यको ९औँ स्मृति दिवसलाई सोमबार सम्बोधन गर्दै अध्यक्ष प्रचण्डले पैसा खर्च गरेर चुनाब नलढे नजितिने बताएका हुन । अध्यक्ष प्रचण्डले २०६४ सालको चुनावमा माओवादी भनेर उठाइदिएपछि जितिहाल्ने जस्तो भएपनि अहिले त्यस्तो नभएको बताए ।
गाउँपालिकाको चुनावमा १० करोड रुपैयाँ खर्च गरेर जितेको धेरै ठाउँ देखिएको उल्लेख गर्दै एउटा गाउँपालिकाको अध्यक्षले १० करोड खर्च गर्ने भनेपछि प्रदेश र सङ्घको चुनावमा त अर्ब खर्च हुने तर्क गरे । अध्यक्ष प्रचण्डले अहिलेको चुनाव प्रणालीले देशलाई नराम्रो दिशातर्फ लैजाने बताए । देशको शासन प्रणाली पनि शासन देश अनुकूल नभएको दाबी गर्दै अध्यक्ष प्रचण्डले अहिले सांसद हुन करोडौँ खर्च गर्न तयार हुने भनेको मन्त्री र प्रधानमन्त्री बन्नको लागि भएको तर्क गरे ।
