- १ जेष्ठ २०८३, शुक्रबार / May 15, 2026
काठमाडौं । कम नम्बर ल्याएको भनेर विद्यार्थीको हात चिर्न लगाउने शिक्षिकालाई प्रहरीले नियन्त्रणमा लिएको छ । काठमाडौंको जडीबुटीस्थित जागृति एकेडेमीकी शिक्षिका सीतालक्ष्मी कर्माचार्यलाई प्रहरीले नियन्त्रणमा लिएको हो ।
बानेशवर प्रहरी वृत्तले नियन्त्रणमा लिएर छलफल गर्दा शिक्षिका कर्माचार्यले आफ्नो गल्ती स्वीकार गरेकी छन् ।
यस्तो छ घटना
सोसल साइन्स पढाउँदै आएकी शिक्षिका सीतालक्ष्मी कर्माचार्यले गत साता ६ र ७ कक्षाका विद्यार्थीको कक्षा परीक्षा लिईन। परीक्षामा राम्रो नम्बर नल्याउने विद्यार्थीको हात चिरिदिने चेतावनी समेत दिईन् । परीक्षाफल पनि उस्तै र¥यो ।परीक्षामा राम्रो नम्बर नल्याएको भन्दै बिहीबार विद्यार्थीहरुलाई बेञ्चमा उभ्याएर ब्लेडले आफ्नो हातमा आफैं चिर्न निर्देशन दिइन् ।
त्यो निर्देशन नमाने विद्यार्थीको हात आफैं चिरिदिने धम्की समेत दिईन । धम्की दिएपछि विद्यार्थीहरुले आ(आफ्नो हात काटेको पीडित विद्यार्थीहरुले बताएका छन् । कम नम्बर ल्याउने विद्यार्थीको हात सबैभन्दा बढी काटिएको छ । १५ देखि २० पटक ब्लेडले हात चिरिएको छ । २५ जना कक्षा ६ मा र सातमा अध्ययनरत नौ विद्यार्थीको हात चिरिएको छ ।
