अख्तियारको नियन्त्रणमा मध्यपश्चिम विश्वविद्यालयका कागजपत्र

काठमाडौं । अख्तियार दुरुपयोग अनुसन्धान आयोगले मध्यपश्चिम विश्वविद्यालयका कागजपत्र नियन्त्रणमा लिएको छ । विश्वविद्यालयविरुद्ध अख्तियारमा उजुरी परेपछि कार्यालयले कागजपत्र नियन्त्रणमा लिएको हो ।

विभिन्न विषयसँग सम्बन्धित उजुरीका विषय अनुसन्धानका लागि विश्वविद्यालयका कागजात नियन्त्रणमा लिइएको हो । शिक्षक तथा कर्मचारी नियुक्ति प्रक्रिया, छात्रवृत्तिलगायतका विषयमा अख्तियारमा उजुरी परेको अख्तियार कार्यालयले सुर्खेतले जनाएको छ ।

विश्वविद्यालयका विषयमा विभिन्न कार्यमा संलग्न भएका उजुरी परेकोले अनुसन्धानका लागि कागजपत्रहरु नियन्त्रणमा लिइएको सूचना अधिकारी भेषराज रिजालले बताए । अख्तियारको नियमित प्रक्रियाअनुसार नै अनुसन्धानसँग जोडिएका कागजात टोलीले नियन्त्रणमा लिएको हो ।