- २१ कार्तिक २०८३, शनिबार / Nov 7, 2026
काठमाण्डौ । काठमाण्डौ महानगरपालिकाले बुधवार न्युरोड क्षेत्रका संरचना हटाएको छ । नक्सा पासमा उल्लेख भएभन्दा फरक ढङ्गले बनाएका संरचना महानगरपालिकाले भत्काएको हो । महानगरपालिकाका मेयर बालेन्द्र साहकै उपस्थितिमा अवैध संरचना डोजर लगाएर सुन्धाराको काठमाण्डौ मलमा रहेका अवैध संरचना हटाएको छ ।
सोमवार नयाँ बानेश्वर क्षेत्रका अन्डरग्राउन्डमा राखिएका पसल र संरचना हटाएर पार्किङ गर्ने ठाउँ बनाउने अभियान सुरु गरेको महानगरले भत्काउने कामलाई तीव्रता दिएको छ । महानगरपालिकाले गएको साउनमै अन्डरग्राउन्डका पसल र अन्य संरचना हटाएर पार्किङ क्षेत्र बनाउन ३५ दिने सूचना जारी गरेको थियो भने काठमाण्डौका सबै अन्डरग्राउन्डलाई पार्किङ बनाएमा पार्किङको २५ प्रतिशत समस्या समाधान हुने एक अध्ययनअनुसार देखाएको छ ।
महानगरले बुधबार न्युरोडको रञ्जना गल्लीमा रहेका अवैध पसल र संरचनामा पनि डोजर चलाएको छ । मेयर बालेन्द्र साहसहितको महानगरको टोलीलाई नेपाल प्रहरी र ट्राफिक प्रहरीको समेत सहयोग रहेको छ । पार्किङ प्रयोजनका लागि भनेर अन्डरग्राउन्डसहितको नक्सा पास गर्ने तर अन्डरग्राउन्डमै पसल थापेर गाडी सडकमा पार्किङ गर्ने व्यवस्थाको अत्य गर्ने जनाएको छ । महानगरले न्युरोडको आरबी कम्प्लेक्समा समेत नक्सामा उल्लेख भएभन्दा बाहिरका संरचना हटाएको छ ।
