- ३२ असार २०८३, बिहीबार / Jul 16, 2026
कालिकोटको सदरमुकाम मान्ममा नेपाल मजदुर किसान पार्टी को ४७ औं स्थापना दिवस मनाइएको छ । जिरोप्वाइन्टबाट -याली सुरु भई प्रतिमाचोकमा भएको जनसभामा बोल्दै नेपाल मजदुर किसान पार्टीका केन्द्रीय सदस्य नन्द बहादुर शाहीले नेपालमा नेमकिपा स्थापनाका आधारबारे प्रकाश पार्नुभयाे ।
उहाले नेमकिपा स्थापनाकाल देखि नै देश र जनताको पक्षमा काम गर्दै आएको बताउदै वर्तमान शासक दलहरुको चाला राम्रो नभएको बताउनुभयो । कार्यक्रममा नेपाल क्रान्तिकारी शिक्षक संघका केन्द्रीय उपाध्यक्ष नरदीप शाहीले वर्तनमान शासकहरु कम्युनिष्ट नभएको बताउदै उनीहरु कम्युनिष्ट भएकको भए त शिक्षा, सवास्थ्य निशुल्क गरेको खै भन्दै प्रश्न गर्नुभयो ।
कार्यक्रममा नेमकिपा जिल्ला समिति सचिव खड्रगराज शाही र जिल्ला समिति सदस्य धनञ्जय अधिकारीले पनि नेमकिपाको नीति र सिद्धान्तबारे बोल्नु भएको थियो । कार्यक्रममा सांस्कृतिक झाँकिहरु समेत प्रस्तुत गरिएको नेमकिपा कालिकोटले जनाएको छ ।
