- १२ श्रावण २०८३, मंगलवार / Jul 28, 2026
काठमाडौं । रोमानिया पुुगेका गायक प्रकाश सपुतमाथि गीत गाउने क्रममा बोतल प्रहार भएको छ । दर्शकबाट फ्याँकिएको क्यान बियरको बोतल उनको मुखमा लागेको थियो ।
गायक सपुत केही दिनअघि सांगीतिक कार्यक्रमका लागि रोमानिया गएका थिए । हिजो नेपाली समय अनुसार १२ बजे राति स्टेजमा गीत गाइरहँदा उनीमाथि बोतल आक्रमण भएको हो । सपुतले ‘बोल माया‘’ गीत गाइरहँदा अचानक आधा पिएको क्यान बियर हुर्याइएको थियो ।
सपुतले त्यसलाई छल्न भ्याएनन् । उनको निधारमा सामान्य चोट लागेको सपुतसँगै रहेकी गायिका प्रीति आलेले बताएकी छन् ।सपुतलाई हमला गर्ने नियतले नभई रक्सीको तालमा प्रहार भएको आयोजकले जनाएको छ । सो घटनापछि कार्यक्रम आधा घण्टा बिथोलिएको थियो ।
त्यसपछि फेरि सपुतले गायनलाई निरन्तरता दिए । आयोजकले बियरको बोतल प्रहार गर्ने व्यक्तिलाई नियन्त्रणमा लिएर कारबाही थालेको बुझिएको छ । आयोजकहरूले घटनाको जिम्मेवारी आफूहरूले लिएको जनाएको छ ।
