जंगली हात्तीले कुल्चर झापामा एक जनाको मृत्यु

माठमाडौं । जंगली हात्तीले कुल्चर झापामा एक जनाको मृत्यु भएको छ ।झापाको हल्दिबारी गाउँपालिका–३ स्थित रणकाली सामुदायिक वनमा कार्यरत चौकीदार धनबहादुर बमको हात्तीले कुल्चेर मृत्यु भएको हो ।

हात्तीको आक्रमणमा परी चौकीदार वनको घटनास्थलमै मृत्यु भएको झापा प्रहरीले जनाएको छ । जिल्ला प्रहरी कार्यालय झापाका अनुसार सामुदायिक वनको रेखदेखका लागि जंगलमा रहेका ४० वर्षीय वमलाई शुक्रबार बिहान ९ बजेतिर एक्लै भएको अवस्थामा जङ्गली हात्तीले लछारपछार पारी खुट्टाले कुल्चिएको थियो ।