- ३० भाद्र २०८३, मंगलवार / Sep 15, 2026
ललितपुर । नेपाल मजदुर किसान पार्टीका सचिव एवम् प्रतिनिधि सभा सदस्य प्रेम सुवालले भारतको अगाडी नेपालका शासकहरुले घुडा टेकेर रोएपछि भारतले दाल,चालम पठाएको बताएका छन् । इजरायलले प्यालेस्टाइनविरुद्ध गरिरहेको बमबारी विरुद्ध नेपाल क्रान्तिकारी महिला संघले ललितपुरको मंगलबजारमा गरेको विरोध प्रदर्शन पछिको सभालाई सम्बोधन गर्दै सांसद सुवालले उक्त कुरा बताएका हुन ।
उनले बहुदलको ३४ वर्षमा सिहंदरबार कब्जा गर्ने दलहरुले देशलाई भिखारी बनाएको तर्क गर्दै ती कुन–कुन पार्टीहरु हुन नेपाली जनताले पहिचान गर्नुपर्ने तर्क गरे । सांसद सुवालले इजरायलले गाजापट्टी गरिरहेको बमबारीको नेपाल मजदुर किसान पार्टी विरोधमा रहेको जानकारी दिए । अमेरिकी राष्ट्रपति बाइडेन युद्ध सरदार भएको आरोप लगाउँदै अमेरिकाको सहयोग विना इजरायल प्यालेस्टाइनसंगल लड्न नसक्ने सांसद सुवालको भनाई छ ।(भिडियो ….)
कार्यक्रममा नेपाल क्रान्तिकारी महिला संघका अध्यक्ष अनुराधा थापामगरले प्यालेस्टाइनी जनताको पक्षमा आफूहरु उभिरहेको बताउँदै अमेरिका हाम्रो देशमा पनि त्यही इजरायली रुपमा आउने बताइन । उनले सचेत जनताले अहिले नबोले कहिले बोल्ने भन्दै प्रश्न समेत गरिन ।
कार्यक्रममा बाग्मती प्रदेश सभा सदस्य सिर्जना सैजुले समेत सम्बोध गरेकी थिइन ।
