जाजरकोटमा ७ जनाको मृत्यु, ५ जना बेपत्ता

२६ असार २०७७ जाजरकोट । बिहीबार राति पहिरोले दुई घर बगाउँदा सात जनाको शव भेटिएको छ । पाँच जना अझै बेपत्ता रहेका छन् । बेपत्ता मध्ये सातजनाको शव भेटिएको जाजरकोट डीएसपी किशोर श्रेष्ठले बताए ।

बेपत्ता भएका बारेकोट गाउँपालिका– ४ सार्कीगाउँका ५२ वर्षीय गोपाल सार्की र उनको ११ वर्षका छोरा अर्जुन सार्की, कलु सार्कीको घरमा पाहुन आएका कुशे गाउँपालिका–९ का २० वर्षीया डिल्ली सार्की र १८ वर्षका वीरेन्द्र सार्कीको शव भेटिएको छ ।

अन्य तीन जनाको भने पहिचान खुल्न नसकेको उनको भनाई छ । बेपत्ता अन्य पाँच जनाको खोजीकार्य जारी छ ।